🔴 ਚਾਰਧਾਮ ਯਾਤਰਾ# ਅੱਜ ਬਦਰੀਨਾਥ ਧਾਮ ਦੇ ਖੁੱਲ੍ਹੇ ਦਰਵਾਜ਼ੇ, ਗਣੇਸ਼ ਪੂਜਾ ਤੋਂ ਬਾਅਦ ਮੰਦਰ ਦੇ ਖੋਲ੍ਹੇ ਕਪਾਟ

ਐਤਵਾਰ ਸਵੇਰੇ 6 ਵਜੇ ਬਦਰੀਨਾਥ ਧਾਮ ਦੇ ਦਰਵਾਜ਼ੇ ਖੋਲ੍ਹੇ ਗਏ। ਮੰਦਰ ਦੇ ਰਾਵਲ (ਮੁੱਖ ਪੁਜਾਰੀ) ਨੇ ਗਣੇਸ਼ ਪੂਜਾ ਤੋਂ ਬਾਅਦ ਮੰਦਰ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ ਅਤੇ ਮਹਿਲਾਵਾਂ ਨੇ ਲੋਕ ਗੀਤ ਵੀ ਗਾਏ। ਗੜ੍ਹਵਾਲ ਰਾਈਫਲਜ਼ ਦੇ ਬੈਂਡ ਨੇ ਰਵਾਇਤੀ ਧੁਨਾਂ ਵਜਾਈਆਂ। ਇਸ ਨਾਲ ਚਾਰਧਾਮ ਯਾਤਰਾ ਪੂਰੀ ਤਰ੍ਹਾਂ ਸ਼ੁਰੂ ਹੋ ਗਈ ਹੈ।

ਦਰਵਾਜ਼ੇ ਖੁੱਲ੍ਹਣ ਤੋਂ ਬਾਅਦ, ਅਗਲੇ 2 ਘੰਟਿਆਂ ਵਿੱਚ 10 ਹਜ਼ਾਰ ਤੋਂ ਵੱਧ ਸ਼ਰਧਾਲੂ ਧਾਮ ਵਿੱਚ ਪਹੁੰਚ ਗਏ। ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਵੀ ਪੂਜਾ ਅਰਚਨਾ ਕੀਤੀ। ਸ਼ਰਧਾਲੂ ਅਗਲੇ 6 ਮਹੀਨਿਆਂ ਤੱਕ ਭਗਵਾਨ ਬਦਰੀਵਿਸ਼ਾਲ ਦੇ ਦਰਸ਼ਨ ਕਰ ਸਕਣਗੇ। ਦੱਸਣਯੋਗ ਹੈ ਕਿ 3 ਮਈ ਨੂੰ ਆਦਿ ਗੁਰੂ ਸ਼ੰਕਰਾਚਾਰੀਆ ਦੀ ਰਾਜ ਗੱਦੀ, ਕੁਬੇਰ ਅਤੇ ਊਧਵ ਦੀ ਪਾਲਕੀ ਡੋਲੀ ਧਾਮ ਪਹੁੰਚੀ। ਇਸ ਤੋਂ ਪਹਿਲਾਂ ਗੰਗੋਤਰੀ-ਯਮੁਨੋਤਰੀ ਧਾਮ ਦੇ ਦਰਵਾਜ਼ੇ 30 ਅਪ੍ਰੈਲ ਨੂੰ ਅਕਸ਼ੈ ਤ੍ਰਿਤੀਆ ਦੇ ਦਿਨ ਅਤੇ ਕੇਦਾਰਨਾਥ ਧਾਮ ਦੇ ਦਰਵਾਜ਼ੇ 2 ਮਈ ਨੂੰ ਖੋਲ੍ਹੇ ਗਏ ਸਨ।